Cənubi Qafqazın geosiyasi xəritəsində baş verən həlledici dəyişikliklər regionda uzunmüddətli sülhün bərqərar olunması üçün yeni epoxanın başlanğıcını qoydu. 20 sentyabr antiterror tədbirləri ilə əldə olunan mütləq suverenlik, illərdir davam edən qeyri-sabitlik və təhlükə mənbələrini birdəfəlik aradan qaldırdı. Bu tarixi hadisə göstərdi ki, regionda dayanıqlı inkişafın təmin edilməsi ilk növbədə hüququn və suverenliyin şərtsiz bərqərar olunmasından keçir.
Bu mürəkkəb strateji prosesin uğurla icra edilməsi məhz Prezident İlham Əliyevin uzaqgörən siyasi kursunun və qətiyyətli liderliyinin nəticəsidir. Dövlət başçısı regionda sülh və əməkdaşlıq mühitinin yaradılması üçün həm hərbi, həm də diplomatik müstəvidə misilsiz iradə nümayiş etdirdi. Prezident İlham Əliyev sübut etdi ki, güclü dövlət yalnız öz sərhədlərini qorumaqla kifayətlənmir, həm də qonşu regionlarda təhlükəsizliyin əsas qarantına çevrilir.
Separatizmin kökünün kəsilməsi ilə Cənubi Qafqazda iqtisadi əməkdaşlıq, kommunikasiyaların açılması və qarşılıqlı etimadın bərpası üçün real imkanlar yarandı. Azərbaycanın irəli sürdüyü sülh təşəbbüsləri beynəlxalq birlik tərəfindən də dəstəklənərək regionun gələcək inkişafının əsas xəttini müəyyənləşdirdi. Bu, sülhün məhz güclü və ədalətli iradə vasitəsilə bərqərar olunduğunun bariz nümunəsidir.
Dövlət Suverenliyi Günü Azərbaycanın Cənubi Qafqazda sülhün, sabitliyin və tərəqqinin təminatçısı kimi çıxış etdiyini təsdiqləyən əlamətdar tarixdir. Prezident İlham Əliyev tərəfindən formalaşdırılan bu yeni geosiyasi reallıq xalqımızın təhlükəsiz və rifah dolu gələcəyini əbədi olaraq sığortalayır.
Zakir Şahverdi,
YAP Nizami rayon təşkilatının fəalı
