Qarabağda diplomatik təmasların yeni mərhələsi
Diplomatik nümayəndələrin Qarabağ və Şərqi Zəngəzura səfərləri Azərbaycanın xarici tərəfdaşlarla bölgədə birbaşa təmaslarını davam etdirdiyini göstərir. Xarici diplomatların ərazilərə səfəri burada gedən proseslər barədə məlumatların birbaşa mənbədən əldə edilməsinə imkan verir.
Bölgədə yeni yolların, yaşayış komplekslərinin, sosial obyektlərin və digər infrastrukturların yaradılması davam edir. Diplomatik korpus nümayəndələrinin bu işlərlə yerində tanış olması Azərbaycanın postmünaqişə dövründə həyata keçirdiyi siyasətin müxtəlif istiqamətlərinin təqdim edilməsinə şərait yaradır.
Bununla yanaşı, tarixi-mədəni irsin qorunması məsələsi də səfərin mühüm istiqamətlərindən olub. Azərbaycanın mövqeyinə görə, ölkə ərazisində yerləşən tarixi abidələrin qorunması və bərpası dövlətin məsuliyyətidir.
Mircavid Hüseynov,
YAP Nizami rayon təşkilatının “Şirin Mirzəyev küçəsi, 152” ərazi partiya təşkilatının sədri
