Azərbaycan ilə Özbəkistan arasında münasibətlər təkcə diplomatik çərçivə ilə məhdudlaşmır — bu əlaqələr tarixi, mədəni və qardaşlıq kökləri üzərində qurulub. Özbəkistanlı qardaşlarımızın müxtəlif dövrlərdə göstərdiyi dəstək, bizim üçün yalnız rəsmi münasibətlər deyil, həm də dərin mənəvi bağlılıq anlamına gəlir.
İstər münaqişə dövrlərində, istərsə də sülh və inkişaf mərhələlərində, Özbəkistan daim Azərbaycanın yanında olub. Humanitar yardım, siyasi dəstək və iqtisadi əməkdaşlıq formatında reallaşan bu münasibətlər, hər iki ölkənin ortaq dəyərlərə və qarşılıqlı hörmətə söykəndiyini sübut edir.
Xüsusilə regional layihələrdə və beynəlxalq platformalarda Özbəkistanın verdiyi səmimi töhfələr Azərbaycan xalqı tərəfindən yüksək qiymətləndirilir. Bu dəstək bir tərəfli deyil – Azərbaycan da öz növbəsində, Özbəkistanın yanında dayanmağa daim hazır olduğunu nümayiş etdirib.
Bu gün ikitərəfli münasibətlər daha da genişlənməkdədir və bu prosesi ruhlandıran əsas amil qardaşlıq təməlində qurulmuş qarşılıqlı etimaddır. Özbəkistanlı qardaşlarımızın səmimi dəstəyi bizim üçün keçmişdə olduğu kimi, bu gün də əvəzolunmazdır.
Günay Şahverdiyeva
YAP Xəzər rayon təşkilatının fəalı
