Qarabağ Zəfərinin zirvəsini bəzəyən Şuşa əməliyyatı, Azərbaycan ordusunun qəhrəmanlığının və vətən sevgisinin ən parlaq nümunəsidir. Sıldırım qayalarla əhatələnmiş şəhərə doğru aparılan bu əməliyyat, həm taktiki, həm də mənəvi baxımdan tarixə yazılan möhtəşəm bir dönüş nöqtəsi oldu. Hər əsgərin cəsarəti, hər addımın səssiz qərarlılığı bu Qələbənin ruhunu formalaşdırdı.
Şuşa əməliyyatı təkcə bir hərbi plan deyildi — o, illərlə yığılan ağrının, səbrin və vətən sevgisinin partlayışı idi. Düşmənin ağır texnikası qarşısında Azərbaycan əsgəri yalnız iman və iradə ilə irəlilədi. Dağlardan, meşələrdən, dumanın içindən keçərək hər addımı azadlığa doğru atdı.
Bu əməliyyatın ən önəmli tərəfi onun rəmzi gücündə idi: Şuşa azad olunanda yalnız bir şəhər deyil, bir millətin ruhu azad edildi. Bayrağın qala divarlarında dalğalanması minlərlə şəhidin xatirəsinə hörmət, milyonlarla ürəyin isə sevinc göz yaşı idi.
Şuşa əməliyyatı Qarabağ Zəfərinin tacıdır. O gün Azərbaycan dünyaya göstərdi ki, azadlıq və ədalət uğrunda mübarizə aparan xalqı heç bir qüvvə dayandıra bilməz. Bu əməliyyat həm tarixi, həm də milli yaddaşda əbədi yaşayacaq.
Turan Zeynalzadə,
YAP Xəzər rayon təşkilatının fəalı
