Pambıqçılıq uzun illər Azərbaycanın ənənəvi kənd təsərrüfatı sahələrindən biri olmuşdur. Vaxtilə ölkə iqtisadiyyatında mühüm yer tutan bu sahə müəyyən dövrlərdə geriləmə ilə üzləşmişdi. Lakin son illərdə görülən tədbirlər pambıqçılığın yenidən inkişafına imkan yaradıb.
Dövlət dəstəyi və həyata keçirilən islahatlar sahənin dirçəlməsində əsas rol oynayıb. Fermerlərə subsidiyaların verilməsi və texniki təminatın yaxşılaşdırılması məhsuldarlığı artırıb. Nəticədə pambıq istehsalı əhəmiyyətli dərəcədə yüksəlib.
Pambıqçılığın inkişafı regionlarda yeni iş yerlərinin yaradılmasına səbəb olub. Xüsusilə kənd əhalisinin məşğulluğunun təmin edilməsində bu sahənin rolu böyükdür. Minlərlə insan bu sahədən gəlir əldə edir.
Məhsuldarlığın artması pambıqçılığın iqtisadi səmərəliliyini yüksəldib. Əvvəllər hər hektardan əldə olunan məhsul aşağı idisə, indi göstəricilər xeyli yaxşılaşıb. Bu, fermerlərin marağını daha da artırır.
Pambığın emalı sahəsinin inkişafı da vacib məsələlərdəndir. Hazır məhsul istehsalının genişləndirilməsi əlavə dəyərin ölkə daxilində qalmasına şərait yaradır. Bu istiqamətdə yeni müəssisələrin yaradılması mühüm əhəmiyyət daşıyır.
Pambıqçılığın inkişafı Azərbaycanın qeyri-neft sektorunun güclənməsinə töhfə verir. Bu sahənin gələcək inkişafı iqtisadiyyatın şaxələndirilməsi baxımından xüsusi əhəmiyyət kəsb edir.
Aytac Şahverənli,
YAP Nizami rayon təşkilatının gənc fəalı
