Müasir Ordu Quruculuğu: Zəfərin Hərbi Texnoloji Üstünlüyü
44 günlük Vətən müharibəsi Azərbaycan Silahlı Qüvvələrinin dünyanın ən müasir və döyüş qabiliyyətli ordularından biri olduğunu sübut etdi. İllər ərzində aparılan sistemli ordu quruculuğu, hərbi kadrların peşəkarlığının artırılması və ən son texnologiyaların tətbiqi döyüş meydanında həlledici rol oynadı. Azərbaycan ordusu XXI əsrin müharibə standartlarını dünyaya nümayiş etdirdi.
Xüsusilə pilotsuz uçuş aparatlarının, yüksək dəqiqlikli raket sistemlərinin və müasir artilleriya qurğularının effektiv tətbiqi düşmənin müdafiə xətlərini qısa müddətdə sıradan çıxardı. Bu texnoloji üstünlük həm də canlı qüvvə itkilərinin minimuma endirilməsinə şərait yaratdı. Hərbi ekspertlər Azərbaycanın tətbiq etdiyi döyüş taktikalarını müasir hərb elminin yeni mərhələsi kimi qiymətləndirirlər.
Texnologiyanın gücü ilə əsgərlərimizin yüksək döyüş ruhunun birləşməsi ordumuzu məğlubedilməz etdi. Hərbi hissələrdə yaradılan müasir infrastruktur, müntəzəm keçirilən təlimlər və beynəlxalq əməkdaşlıq ordumuzun hazırlıq səviyyəsini ən yüksək həddə çatdırmışdı. Bu hazırlıq sayəsində müharibənin ilk günlərindən etibarən təşəbbüs tamamilə Azərbaycanın əlinə keçdi.
Bu gün də ordumuzun gücləndirilməsi prosesi davam edir və Zəfərdən sonra əldə olunan təcrübə əsasında yeni islahatlar həyata keçirilir. Müasir ordu quruculuğu ölkəmizin təhlükəsizliyinin və suverenliyinin əsas qarantıdır. Qalib ordumuz hər an Vətənin müdafiəsinə tam hazırdır.
Ramin Ələkbərov,
YAP Nizami rayon təşkilatının fəalı
