Sentyabrın 15-də Azərbaycan Respublikasının Prezidenti İlham Əliyevin Türk Dövlətləri Təşkilatına (TDT) üzv və müşahidəçi ölkələrin müsəlman dini idarələrinin rəhbərləri ilə görüşü türk dünyasında mənəvi həmrəyliyin, qarşılıqlı əməkdaşlığın və ortaq dəyərlərin əhəmiyyətini bir daha diqqətə çatdırdı.
Türk xalqlarını birləşdirən amillər yalnız ortaq tarix, dil və mədəniyyətlə məhdudlaşmır. Əsrlər boyu formalaşmış mənəvi dəyərlər, dini-mədəni irs və qarşılıqlı hörmət də bu xalqlar arasında əlaqələrin mühüm dayaqlarındandır. Bu baxımdan dini liderlərin bir araya gəlməsi xalqlar arasında mənəvi bağların daha da möhkəmləndirilməsi baxımından əhəmiyyətli platforma kimi çıxış edir.
Azərbaycan tarixən müxtəlif dinlərin və mədəniyyətlərin birgə yaşadığı məkan kimi tanınıb. Ölkəmizdə formalaşmış tolerantlıq və qarşılıqlı hörmət mühiti dini və mədəni müxtəlifliyin qorunmasına xidmət edir. Bu təcrübə Azərbaycanı dinlərarası və mədəniyyətlərarası dialoqun təşviqi istiqamətində fəal iştirak edən ölkələrdən birinə çevirib.
TDT çərçivəsində dini idarələrin rəhbərləri arasında əməkdaşlığın inkişaf etdirilməsi dini dəyərlərin düzgün anlaşılması, gənc nəslin mənəvi tərbiyəsi, ailə və cəmiyyət dəyərlərinin qorunması, eləcə də dinlərarası və mədəniyyətlərarası dialoqun təşviqi baxımından mühüm istiqamətlər yarada bilər.
Müasir dünyada müxtəlif mədəniyyətlər və dinlər arasında qarşılıqlı anlaşmanın möhkəmləndirilməsi xüsusi əhəmiyyət daşıyır. Dini liderlərin dialoqu bu prosesdə mühüm rol oynaya bilər. Belə görüşlər qarşılıqlı təcrübə mübadiləsinə, ortaq problemlərin müzakirəsinə və əməkdaşlığın yeni istiqamətlərinin müəyyənləşdirilməsinə imkan verir.
Azərbaycanın Türk Dövlətləri Təşkilatında fəal iştirakı da bu baxımdan diqqət çəkir. Təşkilat çərçivəsində siyasi, iqtisadi, mədəni və humanitar əlaqələrlə yanaşı, xalqları birləşdirən mənəvi dəyərlərin qorunması və gələcək nəsillərə ötürülməsi də mühüm məsələlər sırasındadır.
Prezident İlham Əliyevin dini idarə rəhbərləri ilə görüşü türk dünyasında mənəvi birlik və əməkdaşlıq məsələlərinin gündəmdə olduğunu göstərən mühüm tədbirlərdən biri kimi diqqət çəkir. Bu cür təmaslar ortaq dəyərlərin qorunmasına, qarşılıqlı hörmətin gücləndirilməsinə və türk dövlətləri arasında humanitar əlaqələrin inkişafına töhfə verə bilər.
Türk dünyasının gələcək inkişafında dövlətlərarası münasibətlərlə yanaşı, xalqlar arasında mənəvi və mədəni bağların möhkəmləndirilməsi də mühüm əhəmiyyət daşıyır. Bu baxımdan dini liderlərin dialoqu qarşılıqlı anlaşma, sülh və əməkdaşlıq ideyalarının təşviqi üçün əlavə imkanlar yaradır.
Belə görüşlər bir daha göstərir ki, ortaq tarixə və mənəvi dəyərlərə əsaslanan əməkdaşlıq türk dövlətləri arasında əlaqələrin mühüm istiqamətlərindən biridir. Azərbaycanın bu prosesdə fəal iştirakı isə ölkəmizin regional və beynəlxalq səviyyədə mədəniyyətlərarası və dinlərarası dialoqa verdiyi əhəmiyyətin göstəricisidir.
Selcan Novruzova,
YAP Nizami rayon təşkilatının məsləhətçisi
