Türk xalqları arasında dərin tarixi və etnik bağlar mövcuddur. Bu bağlar ortaq dil, mədəniyyət və mənəvi dəyərlər vasitəsilə xalqları bir ailə kimi birləşdirir. Məhz bu mənəvi və mədəni yaxınlıq üzv ölkələr arasında siyasi, iqtisadi və humanitar sahələrdə əməkdaşlığın möhkəmlənməsi üçün möhkəm təməl yaradır.
Ortak mədəni irs və dəyərlər birgə layihələrin reallaşmasına, qarşılıqlı etimadın güclənməsinə və yeni təşəbbüslərin uğurla həyata keçirilməsinə şərait yaradır. Dil birliyi və mədəni yaxınlıq təhsil, elm və incəsənət sahələrində əlaqələrin genişlənməsini təmin edir. Bu, gənc nəsillərin milli kimliyini qoruyaraq ortaq tarixi dəyərləri mənimsəməsinə mühüm töhfə verir.
Eyni zamanda, mədəni və tarixi bağlılıq iqtisadi və turizm əməkdaşlığının inkişafını stimullaşdırır, regional həmrəyliyin güclənməsinə səbəb olur. Bu dərin köklər diplomatik münasibətlərdə də birgə mövqelərin formalaşmasına yardım edir və üzv ölkələrin beynəlxalq arenada vahid səs kimi çıxış etməsinə imkan yaradır.
Beləliklə, Türk xalqlarını birləşdirən ortaq tarix, dil və mədəni irs Türk dünyasının sabit və güclü gələcəyinin əsasını təşkil edir, birliyi daha da möhkəmləndirir və gələcək nəsillər üçün dayanıqlı əməkdaşlıq platforması yaradır.
Həsənova Səbinə
YAP-ın fəalı
