2023-cü ilin 19-20 sentyabr tarixlərində Azərbaycan Ordusu Qarabağ bölgəsində həyata keçirdiyi antiterror əməliyyatı ilə tarixi bir mərhələni başa vurdu. Əsas məqsəd qeyri-qanuni silahlı dəstələrin tərksilah edilməsi, qanunsuz hərbi mövcudluğun aradan qaldırılması və konstitusiya quruluşunun tam şəkildə bərpası idi.
Cəmi bir gündən az davam edən əməliyyat qətiyyət və peşəkarlıq nümunəsi oldu. Ordunun dəqiq planlaşdırılmış addımları nəticəsində separatçı silahlılar təslim edildi, mühüm strateji obyektlər ələ keçirildi və bölgədə təhlükəsizlik təmin olundu.
Əməliyyat yalnız hərbi qələbə deyildi, həm də siyasi baxımdan mühüm mesaj verdi. Azərbaycan sübut etdi ki, ərazi bütövlüyü və suverenlik prinsipləri danışıqsız təmin olunacaq və dövlət öz sərhədlərində tam nəzarəti bərpa edəcək.
19-20 sentyabr antiterror əməliyyatı Azərbaycanın dövlətçilik tarixində qısa müddətə sığan, lakin böyük nəticələr doğuran hadisə kimi qalacaq. Bu qələbə həm də xalqın birliyini və milli gücün təsirini dünyaya nümayiş etdirdi.
Aida Əliyeva
YAP Xəzər rayon təşkilatının məsləhətçisi
