2025-ci il aprelin 2-də Azərbaycan Respublikasının Prezidenti İlham Əliyev və İran İslam Respublikasının Prezidenti Məsud Pezeşkian arasında keçirilən görüş zamanı verilən birgə bəyanat, iki ölkə arasındakı münasibətlərin yeni mərhələyə qədəm qoyduğunu göstərdi. Bakı şəhərində baş tutan bu səfər zamanı regional əməkdaşlıq, enerji təhlükəsizliyi və nəqliyyat layihələri əsas müzakirə mövzuları oldu.
Prezident İlham Əliyev bəyanatında İranla qarşılıqlı hörmətə və mehriban qonşuluğa əsaslanan münasibətlərin daim inkişaf etdiyini bildirdi. O vurğuladı ki, ölkələr arasında əməkdaşlıq təkcə ikitərəfli deyil, həm də regional sabitlik və iqtisadi inteqrasiya baxımından böyük əhəmiyyət daşıyır. İran Prezidentinin səfəri bu baxımdan mühüm hadisə kimi qiymətləndirildi.
Prezident Məsud Pezeşkian isə bəyanatında Azərbaycanın ərazi bütövlüyünə göstərilən dəstəyi və birgə layihələrin əhəmiyyətini qeyd etdi. O, Xəzər dənizi hövzəsində enerji resurslarının istifadəsi və nəqliyyat dəhlizlərinin genişləndirilməsi məsələlərində Azərbaycanın əsas tərəfdaşlardan biri olduğunu bildirdi.
Bu səfər, həmçinin Cənubi Qafqaz regionunda əməkdaşlıq mühitinin möhkəmləndirilməsinə və yeni imkanların yaranmasına səbəb oldu. Liderlərin bəyanatları, gələcəkdə daha dərin iqtisadi və siyasi münasibətlərə zəmin yaratdı.
Kamran Mustafayev
YAP Xəzər rayon təşkilatının məsləhətçisi
